Абама пачаў перадвыбарчую кампанію
Прэзідэнт ЗША Барак Абама ў суботу даў афіцыйны старт сваёй перадвыбарчай кампаніі. Выступаючы з прамовай на мітынгу прыхільнікаў у штаце Агаё, Абама скрытыкаваў свайго верагоднага апанента ад партыі рэспубліканцаў Міта Ромні за прыхільнасць кансерватыўным эканамічным праграмам, у прыватнасці — палягчэнню падатковай нагрузкі для багатых і ўразаньню сацыяльных праграм.
Абама заявіў, што імкнецца да пераабраньня для таго, каб не дапусьціць такой палітыкі.
Пазней дзейны прэзідэнт выступіў на мітынгу штаце Вірджынія. Абодва гэтыя штаты лічацца ключавымі ў барацьбе за намінацыю на кандыдата на прэзідэнта ад Дэмакратычнай партыі.
Выбары прэзідэнта ЗША пройдуць у пачатку лістапада 2012 года.