Выбухі ў Дамаску: дзясяткі ахвяраў
Выбухі прагрымелі каля 7:50 раніцы ў гарадскім раёне Казаз. Там размешчаныя штаб-кватэры сірыйскіх разведвальных службаў.
У час, калі пачуліся выбухі, людзі, звычайна, ідуць на працу. Сірыйскае тэлебачанне назвала выбухі тэрактамі.
Паводле сірыйскага тэлебачання, у выніку выбухаў згарэлі дзясяткі аўтамабіляў, у якіх знаходзіліся людзі. На месцы выбухаў знойдзеныя абвугленыя рэшткі ахвяр. Варонка ад аднаго з выбухаў дасягае ў глыбіню 3 метраў.