Прыватны самалёт сеў на вайсковы аэрадром пад Ваўкавыскам
Пры гэтым ён не папярэдзіў дыспетчара. Лётчык быў затрыманы адразу пасля прызямлення.
Мінчук на прыватным аднаматорным самалёце Cessna-172 хацеў паказаць сваім сябрам Краснасельскія кар'еры. Аднак падчас палёту выявілася нейкая непаладка, і лётчык пайшоў на экстранную пасадку.
Да расследавання інцыдэнту падключыліся спецыялісты з Дэпартамента па авіяцыі.
На самалёце такой жа мадэлі ў маі 1987 года на Краснай плошчы ў Маскве прызямліўся немец Маціяс Руст, што выклікала вялізны скандал і адстаўкі ў кіраўніцтве савецкіх Узброеных сілаў.