«Маладая Беларусь» вывесіла бел-чырвона-белы сцяг
Актывісты маладзёвага руху «Маладая Беларусь» у гадавіну рэферэндуму 1995 года па змене нацыянальнай сімволікі вывесілі нацыянальны бел-чырвона-белы сцяг на мосце на адным з выездаў з Мінска.
Такім чынам маладыя людзі вырашылі паказаць беларусам тое, што сапраўдныя нацыянальныя сімвалы нават праз 17 год пасля фактычнай іх забароны незабытыя, іх памятаюць і шануюць беларусы, гаворыцца ў паведамленні «Маладой Беларусі».