У Мінску «не плануюць» паказваць фільм «Дыктатар»
Фільм забаронены да паказу таксама ў Туркменістане і Таджыкістане.
УП "Мінсккінавідэапракат" не плануе дэманстраваць у Мінску фільм Сашы Барона Коэна "Дыктатар". Пра гэта карэспандэнту НН паведамілі ў аддзеле рэпертуарнага планавання прадпрыемства. Фільм, які апавядае пра лёс блізкаўсходняга дыктатара, 16 мая выйшаў у пракат.
Таксама фільм не будзе дэманстравацца ў Таджыкістане -- за яго паказ без ліцэнзіі будуць штрафаваць. Тлумачаць гэта "абразай менталітэту мясцовага насельніцтва". Не пакажуць "Дыктатара" і ў Туркменістане. Але з развіццём інтэрнэту такія забароны маюць усё меней сэнсу.
У Расіі фільм паглядзець можна: яго прэм'ера ў Маскве адбылася 17 мая.