Бог любіць Тройцу
Аднойчы стаю ў чарзе ў нейкай кулінарыі. Маленькі хлопчык просіць маці купіць яму бутэрброд, тая кажа: «Два купім» (напэўна, яму і сабе). Пасля чаго малы з павышанай інтанацыяй вымавіў: «Маці, бяры тры! Бог любіць Тройцу!»
Вельмі радуе тое, што нейкія рэлігійныя вытокі маюць пачатак у дзецях нават у гэты час, калі наша эпоха задыхаецца ад злобы. Як пісаў Казімір Камейша: «Сумленнасці трэба вучыцца ў маленькіх дзяцей, пакуль яны не навучыліся ад нас несумленнасці».
Ёсць з каго браць прыклад.