БЕЛ Ł РУС

Януковіч: Хачу памілаваць Цімашэнку, але не ў сілах зрабіць гэтага

15.06.2012 / 13:54

Nashaniva.com

Прэзідэнт Украіны Віктар Януковіч мог бы памілаваць асуджаную на 7 гадоў зняволення экс-прэм’ера Юлію Цімашэнка, але, паводле закона можа гэта зрабіць толькі пасля прыняцця рашэнняў ва ўсіх судовых інстанцыях.
Пра гэта ён заявіў у інтэрв’ю часопісу The Time.

«Вядома. Вядома, хачу», — сказаў Януковіч, адказваючы на пытанне, ці сапраўды ён хоча памілаваць Цімашэнку.

«Калі суды прымуць свае рашэнні, у тым ліку Еўрапейскі суд па правах чалавека, пасля гэтае пытанне будзе ў паўнамоцтвах прэзідэнта — даць памілаванне.

І калі настане гэты момант, ёсць працэдура для гэтага. Але пакуль суды не прынялі сваё рашэнне згодна з празрыстай і законнай працэдуры, я не ў сілах гэта зрабіць», — сказаў прэзідэнт Украіны.

Януковіч неаднаразова заяўляў, што пытанне памілавання Цімашэнка залежыць ад устаноўленай законам працэдуры. Цімашэнка, у сваю чаргу, заяўляла, што не будзе прасіць аб памілаванні ў Януковіча.

Чытайце таксама:

Каментары да артыкула