Беларуская дэлегацыя падала пратэст на вынік бою Карнеева
Пратэст адхілены.
Беларуская дэлегацыя падала пратэст на вынік чвэрцьфінальнага паядынку ў катэгорыі да 91 кілаграма паміж Сяргеем Карнеевым і баксёрам з Азербайджана Тэймурам Мамадавым, паведамляе афіцыйны сайт Беларускай федэрацыі бокса.
У гэтым баі, нягледзячы на відавочную перавагу беларускага спартсмена ў двух з трох раўндаў, перамога «па дадатковых паказчыках» была прысуджана прадстаўніку Азербайджана.
Аднак Міжнародная асацыяцыя аматарскага бокса (AIBA) адхіліла пратэст беларускай дэлегацыі.