Жнівеньская інфляцыя можа стаць сёлета самай высокай

Рост цэнаў за месяц жнівень ужо дасягнуў 2,2%.

З 1 па 21 жніўня рост спажывецкіх цэн склаў 2,2%, паведаміў Нацыянальны статыстычны камітэт. Гэта азначае, што

жнівеньская інфляцыя можа стаць сёлета самай высокай, таму што па выніках месяца рост цэн не перавышаў 1,9%.

Найбольшы прырост цэн з пачатку месяца адзначаны на гарэлку (10,7%), мяса птушкі (7,5%), тэхнічнае абслугоўванне жылых памяшканняў (26,6%), паслугі электразабеспячэння (23,7%), сувязі (16,8%).

«У сувязі з масавым паступленнем у продаж плодаагародніннай прадукцыі ўраджаю гэтага года» цэны на свежыя памідоры знізіліся на 34,5%, моркву — на 26,1%, бульбу — на 18,4%, буракі — на 17,2%, белакачанную капусту — на 14,2%, рэпчатую цыбулю — на 7,1%, бананы — на 16,6%, яблыкі — на 13,9%.

За студзень-ліпень цэны ўзраслі на 12%, з улікам 21 дня жніўня — на 14,5%. За студзень спажывецкія цэны павялічыліся на 1,9%, люты — на 1,5%, сакавік — на 1,5%, красавік — на 1,7%, май — на 1,6%, чэрвень — на 1,8%, ліпень — на 1,3%.

Па выніках года ўрад разлічвае ўтрымаць інфляцыю ў межах 19–22%. У 2011 годзе спажывецкія цэны ўзраслі на 108,7%.

Каментары да артыкула