Беларус выйграў у покер мільён еўра
Мікалай Побаль перамог у Еўрапейскім покерным турніры ў Барселоне.
Чэмпіёнам Еўрапейскага покернага турніру (EPT) у Барселоне стаў беларус Мікалай Побаль.
Ён пераадолеў рэкорднае для турніру поле ў 1.082 гульцы, паведамляе сайт championat.com. Самым складаным было супрацьстаянне двум фінам — Ілары Сахаміесу і Джоні Юкімайнену, з якімі ён некалькі гадзін правёў за гульнёй
У барацьбе за галоўны прыз выйгрыш беларуса склаў 1.007.550 еўра.
Мікалай Побаль скончыў Беларускі дзяржаўны эканамічны ўніверсітэт, спецыяльнасць «Міжнародная эканоміка».