Сёстры Паўлоўскія атрымалі па 2 мільёны штрафу за надпіс «Жыве Беларусь!»
Алену і Людмілу прызналі вінаватымі ў непадпарадкаванні міліцыі.
Паводле дзяўчат, у Дзень горада 8 верасня яны гулялі па вуліцы Рэвалюцыйнай у Мінску і на стэндзе, дзе людзі пішуць пажаданні адзін аднаму, напісалі малымі літарамі «Жыве Беларусь».
Гэта заўважыў супрацоўнік спецслужбаў у цывільным, перадаў па рацыі, і дзяўчат затрымалі.
Сёстры Паўлоўскія не ўваходзяць у грамадска-палітычныя арганізацыі. Родам яны з Маладзечанскага раёна, жывуць і працуюць у Мінску.
Ад 8-га Паўлоўскія знаходзіліся ў ЦІП на Акрэсціна.