«Выбары» членаў савета рэспублікі завяршаюцца сёння
Выбары членаў савета рэспублікі нацыянальнага сходу пятага склікання завершацца ў Беларусі сёння, 25 верасня.
Членаў савета рэспублікі абіраюць шляхам тайнага галасавання на пасяджэннях дэпутатаў мясцовых саветаў базавага ўзроўню ў кожнай вобласці і дэпутатаў Мінскага гарадскога Савета — па восем чалавек ад кожнай вобласці і Мінска.
Дакументы аб выніках выбараў прэзідыумы абласных, Мінскага гарадскога Савета дэпутатаў накіруюць у Цэнтрвыбаркам у двухдзённы тэрмін пасля пасяджэнняў.
Вынікі выбараў будуць падведзены не пазней за 5 кастрычніка ўключна. Яшчэ восем сенатараў прызначае Лукашэнка.