Халоднае надвор'е чакаецца ў выхадныя, у пачатку наступнага тыдня пацяплее
У суботу, 13 кастрычніка, Беларусь будзе знаходзіцца ў полі павышанага атмасфернага ціску, сфарміраванага ў халодным паветры. Таму гэты дзень стане самым халодным на тыдні,асабліва адчувальна гэта будзе ў начны час сутак. Ноччу тэмпература паветра будзе толькі плюс 1–6 градусаў, на глебе ў многіх раёнах і месцамі ў паветры чакаюцца замаразкі да нуля — мінус 4. Днём паветра прагрэецца да 5–10 градусаў цяпла, па поўдні — да 12 градусаў.
«Такая тэмпература ў сярэдзіне кастрычніка на 1–3 градусы ніжэйшая за кліматычную норму»,— адзначыла галоўны сіноптык Беларускага гідраметэацэнтра Людміла Парашчук. Ападкі ў начны час не чакаюцца, затое днём месцамі па Брэсцкай, Гродзенскай і Мінскай абласцях пройдуць кароткачасовыя дажджы. У асобных раёнах краіны магчымы туман.
Умовы надвор’я ў нядзелю, 14 кастрычніка, будзе вызначаць малаактыўны атмасферны фронт, які перамяшчаецца праз тэрыторыю Беларусі.Таму месцамі пройдуць кароткачасовыя дажджы. Ноччу і раніцай у асобных раёнах прагназуецца туман. Тэмпература паветра ў начны час складзе плюс 2–8 градусаў, па паўночным усходзе чакаюцца замаразкі да нуля — мінус 2 градусаў. Удзень слупок тэрмометра пакажа 6–13 градусаў.
У пачатку наступнага тыдня ўмовы надвор’я пачнуць мяняцца.
У аўторак, 16 кастрычніка, заходні і цэнтральны раёны Беларусі трапяць пад уплыў цёплага атмасфернага фронту, які перамяшчаецца з паўднёвага захаду Еўропы. Тут пройдуць кароткачасовыя дажджы. У начны і ранішні час месцамі чакаецца туман. Ноччу тэмпература паветра складзе 2–9 градусаў цяпла.
Днём паветра прагрэецца да 9–15 градусаў, па поўдні Брэсцкай і Гомельскай абласцей — да 17 градусаў.
У сераду, 17 кастрычніка, Беларусь застанецца пад уплывам цёплых паветраных мас, якія паступаюць з поўдня Еўропы. Тэмпература паветра ў начны час складзе 4–9 градусаў цяпла. Удзень слупок тэрмометра пакажа 9–15 градусаў. «Такі тэмпературны фон будзе на 2–3 градусы вышэйшы за кліматычную норму», — адзначыла галоўны сіноптык.