Фюле: У Беларусі без перамен
Еўракамісар па справах пашырэння і еўрапейскай палітыцы суседства Штэфан Фюле ў прамове да Еўрапарламента падчас абмеркавання сітуацыі ў Беларусі яшчэ раз нагадаў, што ЕС шкадуе аб чарговай страчанай магчымасці правесці парламенцкія выбары ў адпаведнасці з міжнароднымі стандартамі. Фюле таксама адзначыў, што ацэнка ўнутранага развіцця Беларусі застаецца песімістычнай і няма ніякіх знакаў з боку беларускіх уладаў, якія б сведчылі пра магчымае паляпшэнне сітуацыі з павагай правоў чалавека, вяршэнствам права і дэмакратычнымі прынцыпамі.