Украінская апазіцыя дамаглася перавыбараў

Цэнтральная выбарчая камісія Украіны звярнулася ў Вярхоўную Раду з просьбай прызначыць перавыбары ў парламент у пяці мажарытарных выбарчых акругах.

Як растлумачылі ў ведамстве, з-за шматлікіх парушэнняў немагчыма высветліць сапраўдную волю выбарцаў. У Цэнтрвыбаркаме заяўляюць, што колькасць такіх акругаў можа павялічыцца. Апазіцыя, якая патрабавала пераліку галасоў прынамсі ў 13 акругах, абвінавачвае ўлады ў фальсіфікацыі і настойвае не на адмене вынікаў галасавання, а на пераліку.

Паводле папярэдніх вынікаў выбараў, што прайшлі 28 кастрычніка, кіроўная Партыя рэгіёнаў апярэджвае апазіцыйныя сілы толькі за кошт аднамандатных акругаў. Паводле партыйных спісаў у Партыі рэгіёнаў — менш галасоў, чым у трох апазіцыйных партыяў. Выбары ў парламент праводзіліся па змяшанай сістэме.

Каментары да артыкула