Францыя прызнае аднаполыя шлюбы
Урад Францыі ў аўторак ухваліў законапраект аб легалізацыі аднаполых шлюбаў і дазволе такім парам права на ўсынаўленне дзяцей.
Прэзыдэнт Францыі Франсуа Аланд заявіў, што калі такі закон будзе прыняты парлямэнтам, гэта будзе азначаць «прагрэс ня толькі для асобных грамадзян, але і для грамадзтва ў цэлым».
Пакуль у Францыі для аднаполых пар было дазволенае так званае «грамадзянскае партнэрства».
Правая апазыцыя, а таксама рэлігійныя арганізацыі рознага кшталту выступілі супраць законапраекту.
Нацыянальны сход Францыі разгледзіць гэты дакумэнт у студзені.