Праваабаронцу Левінава, які знаходзіўся побач з КДБ у Віцебску, аштрафавалі
абноўлена
Павел Левінаў быў дастаўлены ў Кастрычніцкі РУУС, дзе яго аштрафавалі на 200 тысяч рублёў.
***
Як паведаміў сам Павел Левінаў праз тэлефоне, у гэты момант інспектар ДАІ Баранаў складае на яго пратакол аб адміністрацыйным правапарушэнні — маўляў, пераходзіў дарогу ў недазволеным месцы. Са словаў Левінава, гэта быў загад начальніка інспектара Халаднова заняцца менавіта ім, каб адцягнуць увагу ад будынка КДБ. Бо Баранаў ніяк не рэагаваў на супрацоўнікаў КДБ, якія пераходзілі дарогу не на пешаходным пераходзе.
Павел Левінаў знаходзіцца каля будынка КДБ у Віцебску, каля якога нібыта сёння адбыўся выбух. Ён адзначае, што па-ранейшаму не бачыць пашкоджанняў. Але ў будынак не пускаюць. Частка тэрыторыі побач з будынкам ачэплена чырвонай стужкай.