У Ваенным камітэце ЕС змяніўся кіраўнік
Новым старшынём Ваеннага камітэта ЕС прызначаны французскі генерал Патрык дэ Рузье.
Ён зменіць на пасадзе шведскага калегу Хакана Сірэна, які кіраваў камітэтам з лістапада 2009 года. Мяркуецца, што генерал будзе займаць пасаду на працягу трох гадоў.
У склад Ваеннага камітэта ўваходзяць начальнікі галоўных штабоў 27 краін Еўрасаюза.Камітэт выпрацоўвае рэкамендацыі па вайсковых пытаннях для камітэта Еўрасаюза па вонкавай палітыцы і бяспецы.