Пабачыў «прышэльцаў»: польскі дрывасек спрабаваў затрымаць беларускіх памежнікаў
Брэсцкія памежнікі падчас планавай праверкі пагранічных знакаў на лініі мяжы затрымалі п'янага польскага дрывасека, які спрабаваў на іх напасці,паведамілі ў прэс-цэнтры ДПК Беларусі.
Польскі дрывасек нарыхтоўваў дровы на сумежнай памежнай паласе, маючы адпаведны дазвол памежнікаў.
«Падчас працы 50-гадовы мужчына прыкладаўся да пляшкі,
пасля чаго ўспрыняў памежны нарад на беларускім баку як групу невядомых людзей у камуфляжы.Спрабаваў затрымаць беларускіх памежнікаў, кінуўшыся ў іх бок. Яго спынілі ўжо на беларускай мяжы», - растлумачылі ў ДПК.
Польскі лесаруб змешчаны ў ізалятар часовага ўтрымання Брэсцкай памежнай групы.