У Наваполацку збіраюць грошы для сям’і Андрэя Гайдукова
Ініцыятыва сыходзіць ад удзельнікаў грамадскай суполкі «Свабодны рэгіён».
Нумар рахунку, на які можна пералічыць грошы, пададзены ў абвестцы на сайцеM freeregion.info
Актывіст «Свабоднага рэгіёна» Яўген Парчынскі кажа: «Грошы патрэбна на адваката і на перадачы Андрэю».
Паводле спадарыні Гайдуковай, сваякі нанялі адваката з Мінска, каб было прасцей дамаўляцца пра візіты ў СІЗА КДБ. Аднак следчы, які вядзе справу Андрэя Гайдукова — з Віцебска, ён штораз прыязджае ў Мінск праводзіць допыты.
Супраць Андрэя Гайдукова распачалі крымінальную справу па артыкуле 356 «Здрада дзяржаве ў форме агентурнай дзейнасці». Яго затрымалі ў Віцебску 8 лістапада нібыта «падчас закладкі ў тайнік звестак, якія цікавяць замежныя спецслужбы».