Padvučycie tapanimiku
U dopisie Ja.Biełakryŭskaha «Novaja mienskaja tapanimika» (№25, 8 lipienia) zasmuciła biezapelacyjnaść aŭtara, jaki pastaviŭ u adzin šerah Miaśnikova i Mielnikajte, Śviardłova i Charužuju.
Hieroi i hieraini apošniaj vajny svajoj mužnaściu i pakutnickaj śmierciu zasłužyli, kab mienskija vulicy nasili ich imiony. Viera Charužaja, aproč taho, zmahałasia za pravy biełarusaŭ u davajennaj Polščy.
Niasłušna kazać, što Tałstoj, Majakoŭski nia mieli «nijakaha dačynieńnia da biełaruskaj kultury». U 1910 h. «Naša Niva» nazyvała Tałstoha «sumleńniem cełaha śvietu» (№46), a Jakub Kołas napisaŭ vierš «Pamiaci Tałstoha». U 1920-ja Majakoŭski ŭpłyvaŭ na litarataraŭ-maładniakoŭcaŭ i tvorčaściu, i žyvym prykładam, vystupajučy ŭ Miensku.
Što da zakliku ŭšanavać imiony V.Vańkoviča i I.Bujnickaha, dyk u rajonie stancyi metro «Ŭschod» jość vulica Vańkoviča, vulica i zavułak Bujnickaha.
Taksama mocna ździŭlaje, što ŭ červieńskim numary «Navin BNF» sp.Viačorka prapanuje pierajmienavać Traktarnuju i Tankavuju. Dzie tyja vulicy šukać? Im jašče ŭ kancy XX st. nadadzieny imiony Azhura i Tanka.