Bijahrafija Bykava
U vydaviectvie «Mc Gill-Queen's University Press» vyjšła pa-anhielsku manahrafija daśledčycy z Kanady Zinaidy Himpielevič «Vasil Bykaŭ. Žyćcio i tvorčaść».
«Heta litaraturnaja bijahrafija biełaruskaha piśmieńnika-pacyfista i dysydenta, jakaha ličyli sumleńniem svajoj nacyi, — havorycca ŭ anatacyi. — Savieckija ŭłady zabaraniali tvory V.Bykava, u jakich raskryvalisia pakutlivyja maralnyja dylemy, što paŭstavali pierad maładymi aficerami padčas žachlivaj vajny».
Kniha hruntujecca na interviju aŭtarki ź piśmieńnikam. Spn.Him- pielevič daje taksama litaraturaznaŭčy analiz tvoraŭ Bykava, akcentujučy ŭvahu na psychalahičnym realiźmie jaho rańnich tvoraŭ i cikavaści da ekzystencyjalizmu.
Na vokładcy knihi źmieščana vykazvańnie Vacłava Haŭła: «Ja adčuvaju peŭnuju ŭzajemasuviaź pamiž našymi losami i škaduju, što jamu nie paščaściła dačakacca źmien, jak paščaściła nam, žycharam Čechasłavaččyny, Polščy i Vuhorščyny».