Naviny haspadarki ad 4 listapada
Handal całkam pryvatny
Asnovu razdrobnaha tavaraabarotu ŭ krainie składajuć pryvatnyja handlovyja pradpryjemstvy, zajaŭlaje Ministerstva statystyki j analizu. Na pryvatnikaŭ prypadaje 81,6% roźničnaha tavaraabarotu, na diaržaŭnyja pradpryjemstvy — 16 %, na zamiežnyja — 2,4%.
«Załaty Taler» pazbaŭleny licenzii
Z 8 listapada ŭ biełaruska-brytanskaha banku «Załaty taler» budzie adklikana licenzija na pryciahnieńnie va ŭkłady srodkaŭ fizyčnych asob. Pryčyna — pamier ułasnaha kapitału banku mienšy, čym ustanoŭlena Nacbankam dla bankaŭ, što majuć licenziju na rabotu z układami hramadzian (10 młn eŭra). U «Załatym talery» jon składaje 8 młn eŭra.
Nacbank suprać SEZaŭ
Nacbank admianiŭ ilhoty pa minimalnym pamiery statutnaha fondu i ŭłasnaha kapitału bankaŭ, zarehistravanych na terytoryi svabodnych ekanamičnych zonaŭ. Ciapier statutny fond banku, zarehistravanaha ŭ SEZ, musić być taki ž jak i zvyčajnaha banku — nia mienš za 5 młn eŭra (raniej — 500 tys.). Kali ž bank žadaje pryciahvać srodki fizyčnych asobaŭ, to jaho minimalny statutny fond pavinny być nia mienšy za 10 miljonaŭ eŭra. Z 31 biełaruskaha banku na terytoryi SEZaŭ zarehistravana siem.
NMT-suviazi bolš nia budzie
Da kanca hodu aperatar mabilnaj suviazi «BiełSeł» zhornie bazavyja stancyi analahavaj suviazi standartu NMT-450, što pracavała ad 1992 h. Usie abanenty buduć pieraviedzieny na standart cdma2000 («Diallog»). Siońnia kolkaść abanentaŭ «BiełSełu» składaje kala 100 tys. čałaviek.
Biełaruski paviljon u Maskvie
U adnym z paviljonaŭ maskoŭskaj VDNH adkryjecca biełaruski handlovy centar. Ahulnaja płošča paviljonu — 3,3 tys. m2. Na im buduć vystaŭlenyja tavary z usich abłaściej.
ZD