Mieksikanskaja karaleva pryhažości adstrelvałasia ad palicyi z aŭtamata
Uładalnica tytuła «Mis štata Sinałoa — 2012», jakaja zahinuła ŭ pierastrełcy pamiž vajennymi i bandytami ŭ horadzie Makaryta na zachadzie Mieksiki ŭ kancy listapada, vierahodna, sama stralała z aŭtamata Kałašnikava.
Pa słovach pradstaŭnika Hienieralnaj prakuratury krainy Enrykie Fierehryna Tabaada, na rukach22-hadovaj Maryi Susa Fłores Hamies ekśpierty, pravioŭšy chimičny analiz, vyjavili ślady porachu.
Raniej paviedamlałasia, što dziaŭčyna znachodziłasia ŭ aŭtamabili razam z narkahandlarami i vyjšła z mašyny ŭ razhar pierastrełki sa zbrojaj u rukach. Pryhažunia zahinuła ad kul vajskoŭcaŭ.
Maryja Susa Fłores Hamies była zastrelenaja niepadalok ad rodnaha horada Huamučyl, kali vajskovy patrul ustupiŭ u sutyknieńnie z hrupaj bandytaŭ. Ułady ličać, što kiraŭnik bandytaŭ Orsa Ivan Hastełum, jaki schavaŭsia paśla pierastrełki, byŭ u blizkich stasunkach z zahinułaj karalevaj pryhažości.