Pucin: ABSIE daŭno treba pierastać absłuhoŭvać intaresy asobnych dziaržaŭ
Arhanizacyi pa biaśpiecy i supracoŭnictvie ŭ Jeŭropie (ABSIE) daŭno treba pierastać absłuhoŭvać intaresy asobnych dziaržaŭ. Pra heta zajaviŭ prezident Rasii Uładzimir Pucin na pasiadžeńni Savieta kiraŭnikoŭ dziaržaŭ SND u vuzkim składzie, jakoje prachodzić 5 śniežnia ŭ Ašchabadzie.
«Nie mienš važna naroščvać kaardynacyju pa aktualnych pytańniach dziejnaści ABSIE. Ciapierašni stan spraŭ u arhanizacyi, na žal, nie ŭnušaje aptymizmu. ABSIE daŭno čas spynić absłuhoŭvać intaresy asobnych krain, skancentravać svaju ŭvahu na abjadnalnym paradku», — cytuje Pucina RIA Novosti.
Prezident Rasii raźličvaje, što ŭ jakaści staršyni ABSIE ŭ 2013 hodzie «Ukraina budzie zajmać mienavita takuju pazicyju».
Pucin taksama zaznačyŭ, što Maskva maje namier adstojvać pazicyju krain SND padčas praviadzieńnia forumaŭ «dvaccatki» i «vaśmiorki» ŭ Rasii.
«Pavinien padkreślić, što heta vyklikała pazityŭnuju reakcyju našych partnioraŭ paPavodle jaho słoŭ, padčas forumu ATES va Uładzivastoku «Rasija starałasia ŭ vyhadnym śviatle pakazać intehracyjnyja namahańni».
Razam z tym, jon vykazaŭ nadzieju, što ŭsie intaresy buduć svoječasova sfarmulavanyja. «Spadziajusia niekatorych udzielnikaŭ siońniašniaj sustrečy ŭbačyć na hetych mierapryjemstvach, miarkuju, što heta było b važnym dla prasoŭvańnia našych ahulnych intaresaŭ», — skazaŭ Pucin.
Rasijski prezident taksama zaklikaŭ krainy SND padklučycca da prajekta spadarožnikavaj navihacyjnaj sistemy HŁONASS. «Realizacyja mahčymaściaŭ hetaj sistemy daść niemałyja pieravahi i ŭ ekanamičnaj śfiery, tamu što skaračaje raschody, źviazanyja z transparciroŭkaj hruzaŭ pa ŭsich transpartnych sistemach i, biezumoŭna, viadzie da pavyšeńnia biaśpieki na ŭsich vidach transpartu», — skazaŭ Pucin.
Rasija, pavodle jaho słoŭ, raźličvaje na toje, što kalehi z SND «zacikaviacca hetym prajektam». «Bačym dobryja pierśpiektyvy dla ŭkaranieńnia takich sistem u krainach Sadružnaści», — dadaŭ Pucin.