U Brasłavie rekanstrujujuć cech rybnych kansiervaŭ

Taki inviestycyjny prajekt raspracavany Departamientam pa mielijaracyi i vodnaj haspadarcy Biełarusi.

«Pavodle hrafika realizacyi najbolš značnych inviestycyjnych prajektaŭ pa stvareńni i rekanstrukcyi pradpryjemstvaŭ pa pierapracoŭcy ryby ŭ 2012–2015 hodzie płanujecca pravieści rekanstrukcyju kansiervavaj vytvorčaści mahutnaściu 16,2 miljona ŭmoŭnych blašanak za hod na KVUP «Vytvorča-technałahičny cech h. Brasłaŭ», — paviedamiŭ namieśnik dyrektara Departamienta pa mielijaracyi i vodnaj haspadarcy Respubliki Biełaruś Anatol Maroz.

U žniŭni 2012 hoda była zaklučanaja kredytnaja damova z AAT «Bank raźvićcia Respubliki Biełaruś» ab adkryćci finansavańnia na praviadzieńnie rekanstrukcyi Brasłaŭskaha vytvorča-technałahičnaha cecha.

Pa słovach Anatola Maroza, u sakaviku 2013 hoda płanuje raspracavać prajektna-kaštarysnuju dakumientacyju, a ŭvieści cech u ekspłuatacyju — u śniežni 2013 hoda, u studzieni 2014 hoda — atrymać pieršuju partyju pradukcyi. Da kanca 2014 hoda čakajecca vychad na prajektnuju mahutnaść.

Kamientary da artykuła