Premjer-ministarka Aŭstralii: Kaniec śvietu blizka, ale ja budu za vas zmahacca da apošniaha — videa

Prem'jer-ministr Aŭstralii Džulija Hiłard uklučyłasia ŭ dyskusiju ab nabližeńni kanca śvietu, zapisaŭšy videazvarot da suajčyńnikaŭ.

«Maje darahija, tyja, što zastalisia ŭ žyvych aŭstralijcy, — pačała svaju pramovu Hiłard. — Niezaležna ad taho, ci nastupić kaniec śvietu ad kryvažernych zombi, demanaŭ — nasielnikaŭ piekła abo ad tatalnaha tryumfu K-Pop (karejskaj papularnaj muzyki), vy pavinny viedać adnu reč — ja budu zmahacca za vas da samaha kanca». Stojačy na ​​fonie dziaržaŭnych ściahoŭ z surjoznym vyrazam tvaru, kiraŭnik krainy taksama pryznała, što kaniec śvietu nie nastupiŭ u 2000 hodzie, nie pryjšoŭ i paśla ŭvodu jaje ŭradam padatku na vuhal, ale ciapier jon sapraŭdy blizki.

Palityk nie vyklučyła, što kaniec śvietu sapraŭdy abierniecca katastrofaj. Ale navat u takim raźvićci padziej Hiłard zdolnaja ŭbačyć stanoŭčy bok: «Va ŭsiakim razie, mnie bolš nie daviadziecca ŭdzielničać u Q&A (tok-šou na telekanale ABC)».

Kamientar z nahody apakalipsisu Džulija Hiłard dała dla aŭstralijskaha moładzievaha radyjo Triple J, jakoje abiacaje až da kanca śvietu vypuskać humarystyčnuju prahramu End of the World Show.

Aznajomiŭšysia ź videazvarotam prem'jer-ministra, ašałomlenyja žurnalisty The Herald Sun źviarnulisia pa aficyjny kamientar.

«Čamu aŭstralijec nie moža paśmiajacca čas ad času? Da taho ž, kaniec śvietu budzie z dnia na dzień, chiba vy nie pavinny pisać pra heta?» — adkazali pradstaŭniki prem'jer-ministra.

Kamientary da artykuła