Samalot kampanii Air France zrabiŭ avaryjnuju pasadku ŭ nacyjanalnym aeraporcie Minsk
Vymušanaja pasadka była zroblena ŭ 12.09 u suviazi z razhiermietyzacyjaj sałona.
Pasažyrski samalot Airbus A-319 francuzskaj avijakampanii Air France, rejs Paryž — Maskva-Šaramiećcieva, zrabiŭ 9 śniežnia avaryjnuju pasadku ŭ nacyjanalnym aeraporcie Minsk.
Jak paviedamili BiełaPAN u słužbie daviedak aeraporta, vymušanaja pasadka była zroblena ŭ 12.09 u suviazi z razhiermietyzacyjaj sałona. Dzievianosta pasažyraŭ raźmieščany ŭ VIP-zale aeraporta. Vyrašajecca pytańnie ich transparciroŭki da miesca pryznačeńnia.
90 pasažyraŭ, što znachodzilisia na borcie samalota, raźmiaścili ŭ VIP-zale aeraporta i nakarmili, ludzi adčuvajuć siabie narmalna. Samalot z Francyi pavinien prybyć za imi prykładna ŭ 18.00. Hetym ža rejsam u Minsk prylacić techničnaja bryhada avijakampanii Air France, jakaja zojmiecca ramontam samalota, što zrabiŭ avaryjnuju pasadku.