U madernizacyju kambikormavaha zavoda ŭ vioscy Łukašenki ŭkładuć $20 miljonaŭ
Hrošy vydaść rumasaŭski Bank raźvićcia pad pracent, učaćviora mienšy za staŭku refinansavańnia.
Urad Biełarusi prapanavała Banku raźvićcia pradastavić AAT «Aleksandryjskaje» kredyty na 170 miljardaŭ rubloŭ. Pra heta havorycca ŭ pastanovie Savieta Ministraŭ № 1123 ad 5 śniežnia 2012 hoda.
Suma składaje kala $20 miljonaŭ. Kredytnyja pracenty składuć nie bolš za 7,5% hadavych. Heta čverć ad ciapierašniaj staŭki refinansavańnia.
Hrošy nieabchodnyja dla «budaŭnictva, rekanstrukcyi, kapitalnaha ramontu, madernizacyi i techničnaha pieraasnaščeńnia abjektaŭ pa vytvorčaści kambikormavaj pradukcyi», praduhledžanych Respublikanskaj prahramaj rekanstrukcyi, techničnaha pieraasnaščeńnia i budaŭnictva kompleksaŭ pa vyroščvańni śviniej u 2011–2015 hadach.
Pastanova ŭstupaje ŭ siłu 1 studzienia 2013 hoda.
AAT «Aleksandryjskaje» znachodzicca ŭ vioscy Aleksandryja Škłoŭskaha rajona, dzie vyras Alaksandr Łukašenka.