Microsoft vypuściła biełaruskamoŭnuju viersiju Windows

Moŭnaja nadbudova dla Windows 8 «važyć» 4 miehabajty i ŭstaloŭvajecca mienš čym za 10 chvilin.

Kampanija Microsoft narešcie skončyła pracu nad biełaruskim moŭnym pakietam dla apieracyjnaj sistemy Windows 8. Jon dastupny ŭ centry abnaŭleńnia. Spampoŭvańnie biaspłatnaje.

Biełaruskamoŭny pakiet moža być ustalavany na rasijskamoŭnuju ci anhłamoŭnuju viersiju apieracyjnaj sistemy. Adnak pakul što dastupny tolki dla Windows 8.

Kali vy pracujecie ŭ hetaj sistemie, treba nacisnuć «Nałady — Paniel kiravańnia — Mova». Tam abrać «Biełaruskaja» , pierajści ŭ jaje «Paramietry» i spampavać novy moŭny pakiet. Jon zajmaje 3,8 miehabajta. Sam praces jaho ŭstanoŭki zajmaje kala 7–8 chvilin. Paśla pierazahruzka — i nas narešcie sustrakaje biełaruskamoŭny ekran.

Niedapierakładzienych fraz jašče vielmi mnoha. «Prahramy i kampanienty» i «Ulikovyja zapisy karystalnika» napisanyja pa-biełarusku, a voś «Kłaviatura» i «Myš» — čamuści nie.

Moŭny pakiet zrobleny narkamaŭkaj.

Poŭny śpis moŭnych pakietaŭ, dastupnych dla skačvańnia, znachodzicca tut.

Kamientary da artykuła