Lahier u vioscy Zaleśsie
12 lipienia ŭ vioscy Zaleśsie Smarhonskaha rajona Hrodzienskaj vobłaści ŭ siadzibie Ahinskich, jakaja źjaŭlajecca pomnikam architektury i historyi pačatku XIX stahodździa, adkryŭsia tradycyjny studencki vałanciorski łahier "Zamki Biełarusi" RHA "Biełaruskaja asacyjacyja kłubaŭ JUNIESKA".
U pracy łahiera ŭdzielničajuć 20 studentaŭ. Dva tydni junaki i dziaŭčaty buduć ačyščać sažałku, prybiarežnuju liniju voziera i ručaja, a taksama pravodzić inšyja raboty pa dobraŭparadkavańni staražytnaha piejzažnaha parku, raźbitaha vakoł siadziby viadomym palityčnym dziejačam i kampazitaram Michałam Kleafasam Ahinskim u pieršaj treci XIX stahodździa.