KDB abiasškodziŭ sietku ahientaŭ polskaj vyviedki?
U polskaj ambasadzie hetu infarmacyju abviarhajuć.
«Raspačataja kryminalnaja sprava ŭ dačynieńni da piaci hramadzianaŭ, jakija viali na terytoryi Biełarusi vyviednuju dziejnaść u intaresach polskaj vyviedki», — raskazaŭ surazmoŭca ahienctva.
Pavodle jahonaj infarmacyi. kryminalnaja sprava raspačataja pavodle artykułu 356 Kryminalnaha kodeksu Biełarusi (zdrada dziaržavie), padazravanymi ŭ spravie prachodziać piać čałaviek, adzin ź jakich — hramadzianin Rasiei.
Na zapyt karespandenta Radyjo Svaboda kiraŭnik Centru infarmacyi j hramadzkich suviaziaŭ Kamitetu dziaržbiaśpieki Biełarusi Valery Nadtačajeŭ nie paćvierdziŭ, ale j nie abvierh infarmacyi pra vykryćcio sietki polskich špijonaŭ i admoviŭsia davać kamentary.
Presavy sakratar ambasady Polščy ŭ Biełarusi Monika Sadkoŭskaja była ździŭlenaja paviedamleńniem Interfaksu i paviedamiła, što nijakaj infarmacyi ŭ hetaj spravie polskaja ambasada nia maje.