U Indyi rabotniki spalili svajho bosa
Niekalki sotniaŭ pracaŭnikoŭ čajnaj płantacyi ŭ Indyi padpalili bunhała svajho načalnika, spaliŭšy jaho razam z žonkaj.
Raźjušanyja rabotniki atačyli bunhała na płantacyi ŭ pravincyi Asam u sieradu pozna ŭviečary. Da hetaha amal dva tydni doŭžyŭsia kanflikt pamiž rabotnikami i kiraŭnictvam.
Palicyja paviedamlaje, što pracoŭnyja padpalili bunhała paśla taho, jak kiraŭnictva paprasiła niekatorych ź ich pakinuć svaje damy. Pa dadzienych miascovych uładaŭ, kala 700 rabotnikaŭ atačyli bunhała. Jany padpalili taksama dva aŭtamabili, jakija naležali kiraŭnictvu.
Palicyja ŭžo zatrymała troch rabotnikaŭ. Zahinuŭšy vałodaŭ niekalkimi płantacyjami, i na niekatorych ź ich raniej užo ŭspychvali kanflikty.
Adnojčy rabotniki navat padpalili čajnuju fabryku.
Bolš za pałovu indyjskaj harbaty pastupaje z kala 800 płantacyj ŭ pravincyi Asam. U apošnija hady čas ad času ŭ pravincyi adbyvajucca napadu raźjušanych rabotnikaŭ na kiraŭnictva abo na ŭłaśnikaŭ płantacyj.