Depardjo prapanavali pasialicca ŭ Mardovii - fota
+ dadalisia zdymki aktora ŭ rasijskim nacyjanalnym stroi
Francuzski akcior z rasiejskim pašpartam pajechaŭ pa rehijonach RF.
Francuzski akcior Žerar Depardjo, jaki atrymaŭ rasijski pašpart z ruk prezidenta RF Uładzimira Pucina, atrymaŭ prapanovu ad kiraŭnika Mardovii pasialicca ŭ hetaj respublicy.
U aeraporcie Saranska Depardjo sustrakali narodnymi pieśniami i blinami, tam ža akcior prademanstravaŭ svoj novy pašpart.
Vizit u Mardoviju jon pačaŭ z ahladu miascovych słavutaściaŭ.
Na sustrečy z žycharami Saranska ŭ Teatry opiery i baleta Depardjo atrymaŭ ad kiraŭnika respubliki Uładzimira Vołkava prapanovu pasialicca ŭ Mardovii, vybrać sabie kvateru ci miesca pad dom.
Taksama akcioru prapanavali zaniać vakantnuju ciapier pasadu ministra kultury Mardovii.«Dziakuj, ale ja — ministr kultury śvietu», — vietliva admoviŭsia Depardjo.
Akcioru taksama ŭručyli simvaličny «pašpart mardvina».
«Ja vielmi hetamu rady, tut vielmi pryhoža, tut žyvuć pryhožyja i dušeŭnyja ludzi», — skazaŭ Depardjo, asabliva adznačyŭšy pryhažość miascovych žančyn.
Na vychadzie z teatra haradžanie padaryli akcioru dvuch kacianiat.Kudy ž biez kocikaŭ.