Bankir Kacarenka acenieny ŭ $150 młn
Pavodle dadzienych Śledčaha kamiteta, staršynia naziralnaj rady AAT «Technabank» Uładzisłaŭ Kacarenka za piać z pałovaj hadoŭ pravioŭ niezakonnych finansavych apieracyj na sumu 416,9 młrd rubloŭ.
Rasśledavańnie, zakančeńnie jakoha pierad Novym hodam anansavaŭ Śledčy kamitet, achoplivaje pieryjad dziejnaści bankira z 2006 hoda pa vierasień 2011. U śledstva jość dadzienyja, što niezakonnaj dziejnaściu Uładzisłaŭ Kacarenka zajmaŭsia i ŭ bolš rannija pieryjady, ale jany ŭ materyjały spravy nie ŭvajšli. Praŭda, nie vyklučana, što bolš rańniaja dziejnaść bankira stanie abjektam rasśledavańnia ŭ ramkach novaj kryminalnaj spravy. Ale da hetaha nie tolki vielmi daloka iści, ale i vielmi składana, uličvajučy daŭnaść padziej.
Pryčyny i vyniki
Sam fakt, što Kacarenku nie tolki aryštavali, ale i daviali spravu da suda, kaža pra mnohaje. Pra toje, što Kacarenka zajmajecca abnajaŭleńniem i trymaje samuju vialikuju ŭ krainie padpolnuju biržu pa abmienie valuty, dzie samyja niaznačnyja apieracyi pačynalisia ź ličby z tryma nulami, viedali praktyčna ŭsie, kali brać u raźlik bujny i siaredni biznes i čynoŭnikaŭ takoha ž uzroŭniu. Viedali heta ŭ finansavaj milicyi, i ŭ MUS, i ŭ KDB i ŭ prakuratury. Ale Kacarenku čamuści nie čapali, vielmi doŭha nie čapali. Navat u pačatku
Kazali navat, što jon vielmi šmat kamu patrebny, i mienavita tamu jaho nie čapajuć.Havorka nie stolki pra biznes, kolki pra čynoŭnikaŭ dosyć vysokaha ranhu, jakim patrebnyja padpolnyja finkampanii, kab pravodzić praź ich i abnajaŭnivać svaje adkaty. Tak heta ci nie, skazać składana, ale inšaha tłumačeńnia fienomienu Kacarenki znajści praktyčna niemahčyma. I kali brać u raźlik dadzienuju viersiju, to sprava bankira aznačaje, što ŭłady narešcie navažylisia prykryć karupcyjnuju mašynu ci… zamianić jaje novaj.
Za piać z pałovaj hadoŭ, jakija achoplivajuć materyjały spravy Kacarenki, praź jaho kampanii prajšli tysiačy finansavych apieracyj. Kali adsačyć karani kožnaj ź ich, možna daviedacca šmat cikavaha.
Ale Śledčy kamitet užo zajaviŭ, što pasłuhami finkampanij Kacarenki karystalisia vyklučna pryvatnyja firmy, kab uchilacca ad padatkaŭ.Śledčyja naličyli sumu niavypłačanych padatkaŭ u pamiery 7 miljardaŭ rubloŭ, što składaje bolš za 800 tysiač dalaraŭ.
Sutnaść «spravy Kacarenki»
Sam Uładzisłaŭ Kacarenka da hetaha času nie pryznaje svajoj viny ni pa adnym z punktaŭ abvinavačańnia i spadziajecca, što padčas sudovych słuchańniaŭ jamu ŭdasca dakazać svaju nievinavataść.
Sami materyjały spravy davoli šyrokija i ŭ ich davoli składana razabracca, uličvajučy, što asnoŭnuju ich častku składajuć finansavyja dakumienty. Ale jość niekalki słanoŭ, na jakich trymajecca ŭsio abvinavačańnie. Heta tyja samyja finkampanii, praź jakija prachodzili ŭsie apieracyi.
Ich asnovu składajuć zarehistravanyja ŭ Rasii TAA «TORGSIN», TAA «PROMTECHSNAB», TAA «BAZEL», TAA «VECTOR», a taksama HENSDEAL TECHOLOGY LIMITED (zarehistravanaje ŭ Złučanym Karaleŭstvie Vialikabrytanii i Paŭnočnaj Irłandyi).
Śledstva ŭpeŭnienaje, što ŭsie hetyja kampanii kantralavaŭ Kacarenka, a taksama niejkija Zakałodny, Maćviejenka i Bykaŭ, što prachodziać ź im pa spravie. Usim im vystaŭlenaje abvinavačańnie ŭ ździajśnieńni złačynstva pa č.3 art.233 Kryminalnaha kodeksa Biełarusi (niezakonnaja pradprymalnickaja dziejnaść, jakaja ažyćciaŭlałasia arhanizavanaj hrupaj), a taksama art.243 (uchileńnie ad vypłaty padatkaŭ, zboraŭ), u roznaj interpretacyi.
Heta asnoŭnaje abvinavačańnie, jakoje i treba adbić Kacarenku, ale akramia ich jość jašče kradziež šlacham złoŭžyvańnia słužbovym stanoviščam, machlarstva i padrobka, vyrab, vykarystańnie albo zbyt padroblenych dakumientaŭ, štampaŭ, piačatak, błankaŭ. Nibyta Kacarenka padrabiŭ vypiski z pratakołaŭ naziralnaj rady. Ale heta tak, u nahruzku da asnoŭnaha abvinavačańnia.
Praciah budzie
Pa svajoj sutnaści ŭvieś razhlad «spravy Kacarenki» vyljecca ŭ analiz finansavych dakumientaŭ i šmatlikich pakazańniaŭ śviedkaŭ, jakija dakazvajuć, što ruchu tavaru, jaki prachodziŭ pa dakumientach pieraličanych vyšej firmaŭ, nasamreč nie było, a było tolki praviadzieńnie i nastupnaje abnajaŭlivańnie bujnych sum hrošaj.
Kudy jany potym pastupali — voś hałoŭnaja intryha razhladu. Bo havorka idzie pra finansavy abarot u pamiery bolš za 150 młn dalaraŭ.Uładam u lubym vypadku pavinna być cikava, čyje heta hrošy i kudy jany syšli.
Ale čym by ni skončyłasia sudovaje raźbiralnictva, jakoje maje pačacca ŭžo ŭ
Reč u tym, što častka abvinavačanych, jakija prachodziać pa spravie, ciapier u vyšuku. Rana ci pozna ich znojduć i vydaduć biełaruskamu boku, kali, viadoma, jany nie źviernucca da standartnaha chodu i nie paprosiać palityčnaha prytułku.Hrošy, kab nadziejna asieści