Płanietaŭ, padobnych na Ziamlu, mohuć być miljardy
Astranomy znajšli śviedčańni taho, što ŭ našaj Hałaktycy jość kala 17 młrd płaniet, padobnych na Ziamlu. Na bolšaści ź ich, pa słovach navukoŭcaŭ, z-za zanadta vysokaj tempieratury i adsutnaści vady nie moža być žyćcia.
Na pasiadžeńni Amierykanskaha astranamičnaha tavarystva aŭtary daśledavańnia raspaviali, što kaśmičny teleskop NASA "Kiepler" abśledavaŭ častku zorak Mlečnaha šlachu, pa pamiery pryblizna roŭnych Soncu.
Hetyja vysnovy navukoŭcy raspaŭsiudzili na ŭsiu Hałaktyku: takim čynam źjaviłasia zdahadka ab 17 młrd płanietach, padobnych na Ziamlu.Akazałasia, što na arbicie kožnaha šostaha z vyvučanych niabiesnych cieł jość płaniety, pa pamiery roŭnyja Ziamli.