Minčanka, jakaja vykinułasia z akna ź dziciem, napiaredadni raźviałasia
Suprać jaje ŭzbudžanaja kryminalnaja sprava.
Sprava raspačataja Kastryčnickim rajonnym adździełam Śledčaha kamiteta pa p.2 č.2 art.139 KK (zabojstva zaviedama małaletniaha). Pavodle papiaredniaj viersii śledstva, žančyna z paŭtaramiesiačnuju synam na rukach vykinułasia z akna kvatery svaich baćkoŭ, raźmieščanaj na 7-m paviersie doma pa vulicy Kižavatava. I maci, i dzicia zahinuli na miescy zdareńnia.Pa dadzienym fakcie pryznačany šerah ekśpiertyz, pravodziacca śledčyja mierapryjemstvy.
Viadoma, što napiaredadni, 5 studzienia, žančyna raźviałasia z mužam. Pavodle papiarednich źviestak, pryčynaj razvodu ŭ hetaj siamji stała pjanstva muža.Paśla žančyna časova žyła ŭ svaich baćkoŭ.
Pry ahladzie kvatery byli vyjaŭlenyja tabletki. Heta źjaŭlajecca padstavaj mierkavać, što žančyna prymała antydepresanty.