Na pres-kanfierencyju Alaksandra Łukašenki zaprasili niezaležnych žurnalistaŭ

15 studzienia, u aŭtorak, adbudziecca tradycyjnaja navahodniaja pres-kanfierencyja Alaksandra Łukašenki. Jak i hod tamu, na jaje zaprošanyja taksama i žurnalisty niezaležnych ŚMI.

Budzie prysutničać na pres-kanfierencyi i karespandent «Našaj Nivy».

Sajt NN.BY budzie vieści žyvuju tranślacyju z padziei.

«Adna sprava – pracavać tut za tysiaču dalaraŭ, a druhaja – u Maskvie za 2000 dalaraŭ»... «Vy što, sapraŭdy ličycie, što ja falsifikavaŭ hetyja vybary?»... Usio heta Alaksandr Łukašenka kazaŭ letaś. I raspavioŭ aniekdot pra siabie.

Najvastrejšym momantam toj pres-kanfierencyi staŭ dyjałoh kiraŭnika dziaržavy z Marynaj Koktyš, jaje znakamitaje «Dziakuj, ja admoŭlusia».

Štohadovaja zimovaja pres-kanfierencyja — adzinaja mahčymaść dla niezaležnych žurnalistaŭ pabačyć Alaksandra Łukašenku i zadać jamu pytańnie.

Minułaj zimoj ŚMI sabrali pierad Kaladami, 23 śniežnia. Sioleta sustreča adbudziecca našmat paźniej.

Kamientary da artykuła