Zima ŭ razhary, a ziamielnyja ŭčastki pa-raniejšamu ŭ canie
18 studzienia 2013 Minski rajvykankam abviaściŭ ab praviadzieńni čarhovaha adkrytaha aŭkcyjonu pa prodažy ziamielnych učastkaŭ u pryvatnuju ŭłasnaść hramadzianam RB.
Hetym razam na tarhi vystaŭlena 25 učastkaŭ u h. Zasłaŭje, Haranskim, Kaładziščanskim, Krupickim, Łuhovasłabodskim, Michanavickim i Rohaŭskim sielsavietach.
Dva ŭčastki ŭ Zasłaŭi pa vuł. Nahornaj vystaŭlenyja na aŭkcyjon pa pačatkovych cenach Br226 młn i Br235 młn. Jany zabiaśpiečanyja inžyniernymi kamunikacyjami. I heta samyja darahija ziamielnyja ŭčastki, jakija vystaŭlenyja 18 studzienia na aŭkcyjon.
Samym darahim ziamielnym učastkam siarod sielskich nasielenych punktaŭ, vystaŭlenych na handal, akazaŭsia ŭčastak z kamunikacyjami ŭ v. Kajkava Michanavickaha sielsavieta. Jon vystaŭleny na tarhi za Br100 młn.
Jašče dva ŭčastki № 1 i № 6 biez kamunikacyj u v. Kajkava buduć realizoŭvać pa pačatkovaj canie Br67 młn, učastak № 8 pa vuł. Žyviołavodaŭ — pa canie Br60 młn.
U Kaładziščanskim sielsaviecie na aŭkcyjonie buduć realizoŭvacca 7 ziamielnych učastkaŭ. Pačatkovyja ceny na ŭčastki biez kamunikacyj u v. Lipavaja Kałoda skłali
U pasiołku Haradzišča buduć pradavacca 3 učastki (elektryčnaść, haz). Pačatkovaja cana — Br81 młn.
Dva ŭčastki ŭ v. Lebiadziniec Łuhovasłabodskaha sielsavieta vystaŭlenyja na tarhi pa pačatkovaj canie Br53 młn. Učastki abstalavanyja vadoj i elektryčnaściu.
U Krupickim sielsaviecie na tarhi vystaŭlenyja 3 učastki z častkovymi kamunikacyjami pa pačatkovych cenach Br31 młn, Br32 młn, Br 43 młn.
Dva ŭčastki ŭ Haranskim sielsaviecie vystaŭlenyja na tarhi pa pačatkovych cenach Br16 młn (v. Duličy) i Br31 młn (v. Višnieŭka). Abodva ŭčastki nie majuć kamunikacyj.
Za Br19 młn vystaŭleny na aŭkcyjon ŭčastak u v. Rohava Rohaŭskaha sielsavieta. Jon abstalavany elektryčnaściu.
Zajavy na ŭdzieł u aŭkcyjonie možna padać u Minski rajvykankam da 14 studzienia 2013 hoda.
Adznačym, što 11 studzienia ŭ budynku rajonnaha vykankama projdzie jašče adzin aŭkcyjon pa prodažy ziamielnych učastkaŭ u pryvatnuju ŭłasnaść. Na tarhi vystaŭlenyja ŭčastki ŭ Haranskim, Kaładziščanskim, Papiarnianskim, Rohaŭskim, Sieńnickim, Chaciežynskim, Juzufoŭskim sielsavietach. Adnak pryjom dakumientaŭ na ŭdzieł u hetym aŭkcyjonie ŭžo zavieršany. Dadzienaja infarmacyja moža być cikavaj dla tych, chto choča panazirać za chodam tarhoŭ i prycanicca da ŭčastkaŭ.