Ukraina ŭ 2013 hodzie stvoryć pracoŭnuju hrupu pa intehracyi ŭ Mytny sajuz
Rabočaja hrupa pa pytańni intehracyi Ukrainy ŭ Mytny sajuz moža być stvorana ŭžo sioleta,zajaviŭ uradavy ŭpaŭnavažany pa pytańniach supracoŭnictva z Rasijskaj Fiederacyjaj, dziaržavami — udzielnicami SND, Jeŭrazijskaj ekanamičnaj supolnaści i inšymi rehijanalnymi abjadnańniami Valeryj Muncijan.
«Intehracyja ŭ Mytny sajuz prachodzić pa pryncypie „pakietnaha pahadnieńnia“ — dziaržava prymaje ŭstanoŭčyja dakumienty. Ale pierad padačaj zajaŭki stvarajecca rabočaja hrupa, u jakuju ŭvachodziać pradstaŭniki ad Ukrainy i MS, jakaja adpracoŭvaje hetyja pytańni. Dumaju, sioleta rabočaja hrupa budzie stvorana», — skazaŭ Muncijan.
Ukraina, jakaja abviaściła stratehičny kurs na jeŭraintehracyju, płanuje ŭ kancy 2013 hoda padpisać ź Jeŭrasajuzam pahadnieńnie ab asacyjacyi.Razam z tym Kijeŭ zajaviŭ pra namier pastupova dałučacca da niekatorych pravił Mytnaha sajuza. Maskva prapanuje Kijevu ŭvajści ŭ Mytny sajuz, abiacajučy ŭzamien enierhanośbity pa lhotnych cenach.
Ukrainskaje kiraŭnictva prapanavała supracoŭnictva z sajuzam u farmacie «try plus adzin» (Biełaruś, Kazachstan i Rasija plus Ukraina).