Aŭstryjcy prahałasavali za zachavańnie pryzyvu
Refierendum vyrašaŭ, zachoŭvać sistemu ŭsieahulnaj vajskovaj pavinnaści abo pierajści na prafiesijnuju armiju. Za abaviazkovuju słužbu vykazalisia 59,8% vybarcaŭ pry jaŭcy 50%.
Abaviazkovaja vajskovaja słužba ŭ Jeŭropie zachoŭvajecca taksama ŭ Danii, Narviehii, Finlandyi, Hrecyi i Šviejcaryi — krainach, jakija ličać, što im pahražajuć patencyjnyja niebiaśpieki abo jakija zvykli zbrojaj baranić ułasny niejtralitet.
Debaty ab budučyni armii doŭžacca ŭ Aŭstryi ŭžo kala dvuch hadoŭ i źjaŭlajucca pradmietam sprečki dvuch hałoŭnych parłamienckich partyj - sacyjał-demakratyčnaj i Aŭstryjskaj narodnaj partyi.
Sacyjał-demakraty ličać, što prafiesijnaja armija bolš efiektyŭnaja, a Narodnaja partyja vystupaje za zachavańnie niejtralitetu, jaki, jak jany śćviardžajuć, apyniecca pad pahrozaj.
U 18-hadovych aŭstryjskich pryzyŭnikoŭ jość vybar: albo słužyć u armii ŭ praciahu šaści miesiacaŭ, albo dzieviać miesiacaŭ pracavać u balnicach, damach sastarełych, chutkaj dapamohi, słužbie vyratavańnia abo dapamahać invalidam.