U Dahiestanie vyzvaleny z rabstva čaćviora biełarusaŭ
Heta adbyłosia 23 studzienia padčas sumiesnaha rejda aktyvistaŭ rasijskaha maładziožnaha ruchu «Alternatyva» i pradstaŭnikoŭ MUS Respubliki Dahiestan na cahielni, raźmieščanaj niedaloka ad vioski Krasnaarmiejsk pablizu Machačkały.
Padčas sumiesnaj apieracyi byli vyzvaleny dzieviać čałaviek, čaćviora ź jakich — hramadzianie Biełarusi, paviedamlaje sajt ruchu «Alternatyva» (www.kupiraba.ru.).
Uładalniki zavoda nie vypłačvali rabotnikam zarabotnuju płatu na praciahu siami miesiacaŭ, prymušali pry hetym pracavać pa 12 hadzin u sutki. Paśla vizitu vałancioraŭ i pradstaŭnikoŭ MUS jany paabiacali vyrašyć pytańnie z zarpłataj. Zaraz usie vyzvalenyja rychtujucca pakinuć Dahiestan i viarnucca dadomu.
Jak paviedamiŭ BiełaPAN lidar ruchu «Alternatyva» Aleh Mielnikaŭ, ciapier vyzvalenyja biełarusy znachodziacca na pieravałačnaj bazie ruchu ŭ Machačkale. Zatym im budzie akazana dapamoha ŭ pierajeździe ŭ Maskvu.
Pavodle jaho słoŭ, u nieznajomaj miascovaści, biez hrošaj i dakumientaŭ, nasłuchaŭšysia pra bajevikoŭ, ludzi časta bajacca pakinuć terytoryju zavoda, tamu i akazvajucca ŭ vymušanym rabstvie.
Kamandzir