Kulturnaj stalicy Biełarusi-2013 staŭ Mahiloŭ

Siertyfikat i pamiatny znak «Kulturnaj stalicy Biełarusi» 2013 hoda ŭručyŭ staršyni Mahiloŭskaha harvykankama Stanisłavu Baradaŭku ministr kultury Biełarusi Barys Śviatłoŭ na ŭračystym schodzie, pryśviečanym 75-hodździu ŭtvareńnia Mahiloŭskaj vobłaści.

Na dumku ministra, kulturnaje žyćcio ŭ Mahilovie, jaki abjaŭleny sioleta kulturnaj stalicaj Biełarusi i SND, ciapier stanie bolš źmiastoŭnym i raznastajnym, pavialičacca turystyčnyja patoki, horad zmoža prademanstravać svoj patencyjał.

«Ministerstva kultury zapłanavała ŭdzieł samych lepšych kalektyvaŭ i vykanaŭcaŭ. Na sceničnych padmostkach Mahilova vystupiać Dziaržaŭny akademičny simfaničny arkiestr pad kiraŭnictvam Alaksandra Anisimava, salisty baleta Vialikaha teatra Biełarusi i Maryinskaha teatra Sankt-Pieciarburha, „Virtuozy Maskvy“, Teatr biełaruskaj dramaturhii, ansambl „Biełyja rosy“, „Pieśniary“, Akademičny ansambl pieśni i tanca imia Alaksandrava i mnohija inšyja», —

Jak było zajaŭlena na pres-kanfierencyi ministra kultury, što prajšła siońnia ŭ Mahilovie, usiaho za 2013 hod u horadzie projdzie zvyš 3.000 kulturnych mierapryjemstvaŭ.

Budzie aktyvizavana vystavačnaja dziejnaść, adznačyŭ u svaju čarhu načalnik abłasnoha ŭpraŭleńnia kultury Anatol Sinkaviec. Novyja vystavy buduć adkryvacca va ŭsich muziejach horada praktyčna štomiesiac.

Z 2010 hoda, kali pačałasia akcyja «Kulturnaja stalica Biełarusi», joju abjaŭlalisia Połack (2010 hod), Homiel (2011), Niaśviž (2012).

Kamientary da artykuła