Sieviaryniec vydaść knihu «Lublu Biełaruś» pa-rasiejsku
Spačatku jana źjavicca ŭ svabodnym dostupie ŭ internecie.
«Chimik» Pavał Sieviaryniec za apošni čas atrymaŭ listy ad palitviaźniaŭ Mikałaja Aŭtuchoviča i Eduarda Łobava. Pra siabie Pavał raspavioŭ, što zaraz šmat volnaha času vydatkoŭvaje na padrychtoŭku da druku svajoj knihi «Lublu Biełaruś».
«Zaraz vyčytvaju rasiejski pierakład knihi «Lublu Biełaruś». Moj baćka, Kanstancin Paŭłavič pierakłaŭ knihu na rasiejskuju movu.
Jość ideja heta ŭsio apublikavać ŭ internecie dy vydać potym knižkaj. Niedzie ŭ siaredzinie lutaha ŭ internecie moža častki knihi mohuć źjavicca.
Sustaršynia BCHD Pavał Sieviaryniec pakarany za Płošču 3 hadami «chimii» — abmiežavańnia voli. Pavał znachodzicca ŭ speckamendatury ŭ vioscy Kuplin Pružanskaha rajonu pad achovaj milicyi i musić pracavać ŭ miascovaj haspadarcy.
Sieviaryniec, jak i ŭsie ciapierašnija palitviaźni, admoviŭsia pisać prašeńnie ab pamiłavańni na imia Alaksandra Łukašenki.