Haziety Frankfurter Allgemeine i Die Zeit zakryvajuć biuro ŭ Rasii: vialikija vydatki i pradkazalnyja temy
Adrazu dźvie viadomyja niamieckija haziety, Frankfurter Allgemeine i Die Zeit, zakryvajuć svaje biuro ŭ Rasii, paviedamlaje Deutsche Welle.
Na dumku radyjostancyi, asnoŭnyja pryčyny takoha rašeńnia — vialikija vydatki na apłatu znachodžańnia ŭ Maskvie i ŭsio nižejšaja cikavaść niamieckaha čytača da taho, što adbyvajecca ŭ Rasii. Jak zajaviŭ u intervju DW karespandent Die Zeit u Maskvie Jochanes Faśvinkiel, zakryćcio biuro varta było prymierkavać jašče da «treciaha termina» Uładzimira Pucina.
«Takim čynam, koła abaviazkovych temaŭ niamieckaha žurnalista, jaki pracuje ŭ Rasii, pradkazalny: padaŭleńnie inšadumstva, pryniaćcie antydemakratyčnych zakonaŭ, ekanamičnyja ciažkaści. Nie tyja temy, jakija aŭtamatyčna harantujuć čytackuju cikavaść», — zajaviŭ Faśvinkiel.
Raniej svaju prysutnaść u Maskvie skaracili Süddeutsche Zeitung (zastaŭsia tolki adzin karespandent), a štotydniovik Stern «zamaroziŭ» svajo pradstaŭnictva, zachavaŭšy tolki jurydyčny adras.