Rumas: Prakapovič — bolšy libierał, čym ja

«Dziakujučy Piatru Prakapoviču bankaŭskaja sistema siońnia źjaŭlajecca samym pieradavym siektaram ekanomiki krainy», — zajaviŭ staršynia Banka raźvićcia Biełarusi Siarhiej Rumas 28 studzienia na pres-kanfierencyi ŭ Minsku.

Na jaho dumku, u ŚMI niapravilna sfarmiravany vobraz byłoha kiraŭnika Nacbanka, ciapier namieśnika prem'jer-ministra Piatra Prakapoviča. «Ja doŭhi čas, budučy ŭ bankaŭskaj sistemie, dy i potym va ŭradzie, ščylna pracavaŭ ź Piatrom Piatrovičam. Mnie časam zdajecca, što jon bolšy libierał, čym ja. Čałaviek, jaki zaŭsiody padtrymlivaŭ prychod inviestaraŭ u našu krainu, aktyŭna jaho adstojvaŭ na pasiadžeńniach urada, dziakujučy jakomu bankaŭskaja sistema siońnia źjaŭlajecca, napeŭna, samym pieradavym siektaram u ekanomicy. Heta biassprečnaja zasłuha Prakapoviča. Mnie ź im lohka pracavać, my zaŭsiody pryjdziem da parazumieńnia», — skazaŭ Rumas.

Jon adznačyŭ, što na pasadu staršyni praŭleńnia Banka raźvićcia «paprasiŭsia sam». Na pytańnie, jak pierachod na novuju pracu adbiŭsia na jaho finansavym stanoviščy, Rumas adkazaŭ: «U bankach atrymlivajuć bolš, čym va ŭradzie. Na siońnia ja atrymlivaju bolš, čym namieśnik prem'jer-ministra».

Kamientary da artykuła