Naziralnuju radu Banka raźvićcia ŭznačalić Miaśnikovič
Pra heta paviedamiŭ 28 studzienia na pres-kanfierencyi ŭ Minsku staršynia praŭleńnia banka Siarhiej Rumas.
«Usie važnyja rašeńni, jakija vyznačajuć dziejnaść banka, zaćviardžajucca naziralnaj radaj. Ź siami členaŭ naziralnaj rady try źjaŭlajucca niezaležnymi.
Upieršyniu naziralnuju radu akcyjaniernaha tavarystva ŭznačalić prem'jer-ministr », — zajaviŭ Rumas.
Jon padkreśliŭ, što metaj stvareńnia banka źjaŭlajecca stymulavańnie ekanamičnaha raźvićcia dziaržavy i pavyšeńnie nadziejnaści
Staršynia praŭleńnia Banka raźvićcia paviedamiŭ, što pa vynikach raboty za 2012 hod inviestycyjny partfiel banka pavialičyŭsia ŭ 6 razoŭ i dasiahnuŭ 12,2 trłn. rubloŭ.Akramia taho, za 2012 hod bank prafinansavaŭ 11 dziaržprahram na ahulnuju sumu kredytaŭ 4,8 trłn. rubloŭ. «Z udziełam resursaŭ banka raźvićcia było realizavana kala 200 prajektaŭ. Jak vynik u 2012 hodzie kožny čaćviorty rubiel inviestycyjnych kredytaŭ u ramkach dziaržprahram vydadzieny Bankam raźvićcia», — adznačyŭ kiraŭnik BRRB.
Pavodle jaho słoŭ, na kaniec 2012 hoda rentabielnaść aktyvaŭ banka skłała 5,7%, dola prablemnaj zapazyčanaści — 5,5%. Heta «łahičnaja situacyja z ulikam nabyćcia roznych pa stupieni ryzyki aktyvaŭ», zajaviŭ Rumas. Akramia taho, skazaŭ jon, Bank raźvićcia padpisaŭ pahadnieńnie ab supracoŭnictvie z Bankam raźvićcia Kitaja, viaducca pieramovy z bankami Kazachstana i Rasii, pačata rabota pa prysvajeńni rejtynhaŭ ad viadučych mižnarodnych rejtynhavych ahienctvaŭ.