Pačalisia zatrymańni na mienskich vulicach
U milicyju Partyzanskaha rajonu dastaŭlenyja Alaksiej Šydłoŭski i Pavieł Baranoŭski. Ich zatrymali na vulicy i abvinavačvajuć u drobnym chulihanstvie. Raniej siońnia ŭ Pieršamajskim rajonie byli zatrymanyja Kasia Sachardzinava i jaje siabroŭka.
Saviecki sud Miensku prysudziŭ Siarhieju Klujevu 10 sutak pavodle art. 23.34 (raspaŭsiud ulotak z zaklikam da ŭdziełu u niesankcyjanavanym mierapryjemstvie, što pryroŭnivajecca da ŭdziełu ŭ takim mierapryjemstvie).
Tym časam zatrymańni moładzievych aktyvistaŭ na vulicach Miensku praciahvajucca.
U milicyju Partyzanskaha rajonu dastaŭlenyja Alaksiej Šydłoŭski i Pavieł Baranoŭski. Ich zatrymali na vulicy i abvinavačvajuć u drobnym chulihanstvie. Raniej siońnia ŭ Pieršamajskim rajonie byli zatrymanyja Kasia Cachardzinava i jaje siabroŭka Maryna Sieraja. U sudzie Savieckaha rajonu Miensku jany byli pryhavoranyja da administracyjnaha štrafu ŭ 30 b.v (930 tys.)
U sudzie Centralnaha rajonu praciahvajecca sud nad studentam 3‑ha kursu maskoŭskaha Ŭniversytetu Družby narodaŭ Juryjem Volfsanam. Jahonaja babula, jakaja čakaje vyniku pracesu ŭ budynku sudu, paviedamiła karespandentu Radyjo Svaboda, što Miensk dla jaje siamji — nieščaślivy horad. Čatyry hady tamu tut źnik biaś śledu baćka Juryja — biznesoviec Raman Volfsan.
Siońnia taksama byŭ aryštavany na 10 sutak Valancin Sakałoŭski i na 15 sutak Alaksandar Čarnyšoŭ. Usie «za drobnaje chulihanstva»