U Nazarecie budzie ŭstalavana mazaika z vyjavaj Maci Božaj Budsłaŭskaj

Sa Śviatoj Ziamli atrymany dazvoł na ŭstalavańnie mazaičnaha abraza Maci Božaj Budsłaŭskaj u sanktuaryi Źviestavańnia Najśviaciejšaj Pańnie Maryi ŭ Nazarecie. Padčas pieramovaŭ z ajcami franciškanami, jakija apiakujucca sanktuaryjem, była dasiahnuta damoŭlenaść ab tym, što abliččy Maci Božaj i Dziciatka Jezus buduć vykanany z kieramiki.

2 lutaha adbyłasia sustreča Mitrapalita Minska-Mahiloŭskaha arcybiskupa Tadevuša Kandrusieviča ź biełaruskimi majstrami, jakija buduć zajmacca prajektam i vykanańniem samoj mazaiki. Pavodle abranaj kancepcyi, unizie budzie źmieščana vyjava budsłaŭskaj bazyliki, uviersie — abraz Maci Božaj. Mazaika budzie mieć pamiery 2 mietry ŭ vyšyniu i 70 santymietraŭ u šyryniu.

Hałoŭnym kaardynataram prajektu pryznačany ks. Uładzisłaŭ Zavalniuk, probašč minskaj parafii Svv. Symona i Aleny.

Mitrapalit Kandrusievič zaklikaje da malitvy, kab dadzienaja inicyjatyva była realizavana i ŭžo ŭ jubilejnym 2013 hodzie (400-hodździe prybyćcia abraza Maci Božaj u Budsłaŭ) mazaika była ŭstalavana ŭ sanktuaryi ŭ Nazarecie.

***

U sanktuaryi Źviestavańnia Najśviaciejšaj Pańnie Maryi ŭ Nazarecie pradstaŭleny mazaičnyja abrazy z vyjavami Madonnaŭ — apiakunak roznych krain śvietu: Niepała, Hrecyi, Francyi, Italii, Ispanii, Partuhalii, Polščy i inš.

Kamientary da artykuła