U World Press Photo pieramoh zdymak zahinułych paleścinskich dziaciej + fota
Šviedski fatohraf Pol Chansen atrymaŭ hałoŭny pryz premii World Press Photo -- 2013 za zdymak zahinułych paleścinskich dziaciej. Poŭny śpis pieramožcaŭ apublikavany na sajcie premii.
Na fatahrafii adlustravanaja pracesija mužčyn, jakija iduć pa vulicach Hazy. Na rukach dvoje ź ich niasuć zahinułych dziaciej -- brata i siastru. Zdymak byŭ zrobleny ŭ listapadzie 2012 hoda paśla bambiožki Hazy izrailskimi vajskoŭcami. Fotazdymak Chansena byŭ apublikavany ŭ šviedskaj haziecie Dagens Nyheter.
Adzin z členaŭ žury, Maju Mochana ź Pieru, abviaščajučy pieramožcu, zaŭvažyŭ, što siła hetaj fatahrafii zaklučajecca ŭ tym, što jana «supraćpastaŭlaje hnieŭ i smutak darosłych niavinnaści dziaciej».
Usiaho ŭznaharody atrymali 54 fatohrafy z 32 krain.